काठमाण्डौ । नेपालको सार्वजनिक ऋण २७ खर्ब नाघेको छ । भाद्र मसान्तसम्म सार्वजनिक ऋण २७ खर्ब, ४३ अर्ब, ३७ करोड पुगेको हो । जुन ३५ वर्ष अघि ५१ अर्ब मात्र थियो ।
यो सार्वजनिक ऋणको आकारलाई आधारमान्दा नेपालीहरुको प्रतिव्यक्ति ऋण ९४ हजार ६५ रुपैयाँ पुगेको छ । यो ऋण वि.सं २०७८ सालको जनगणनालाई आधार मानेर मापन गरिएको हो । नेपालको प्रतिव्यक्ति सार्वजनिक ऋण ३५ वर्ष अघि २ हजार ८ सय ४२ रुपैयाँ थियो ।
वि.सं २०४७ सालमा सार्वजनिक ऋण ५१ अर्ब, ४७ करोड, ४० लाख रहेको थियो । जसमध्ये आन्तरिक ऋणको हिस्सा १४ अर्ब, ६७ करोड ३१ लाख र बाह्य ऋणको हिस्सा ३६ अर्ब ८० करोड ९ लाख रहेको थियो ।
उक्त समय कूल ग्राहस्थ उत्पादनको अनुपातमा सार्वजनिक ऋण ४९.८ प्रतिशत रहेको थियो भने प्रतिव्यक्ति ऋण २ हजार ८ सय ४२ रुपैयाँ थियो । तर, पछिल्लो समय सार्वजनिक ऋणको आकार बढेसँगै प्रतिव्यक्ति ऋणको आकार पनि ह्वात्तै बढेको पाइन्छ ।
Discussion about this post