जनकपुरधाम, चैत १६ गते
नेपालगञ्जमा एक हिन्दू युवतीलाई जिउँदै जलाइएको दर्दनाक घटनाको विरोधमा आज बेलुका जनकपुरधामको रामानन्द चोकमा शान्तिपूर्ण विरोध प्रदर्शन तथा श्रद्धाञ्जली कार्यक्रम सम्पन्न गरिएको छ।
हिन्दू सम्राट सेना नेपालको आयोजनामा भएको उक्त कार्यक्रममा स्थानीय युवाहरू, सर्वसाधारण तथा विभिन्न सामाजिक अभियन्ताहरूको उल्लेखनीय उपस्थिति रहेको थियो। सहभागीहरूले घटनाप्रति गहिरो दुःख व्यक्त गर्दै दोषीमाथि कडा कानुनी कारबाहीको माग गरेका छन्।
कार्यक्रममा उपस्थितहरूले दीप प्रज्वलन गर्दै मृतकप्रति श्रद्धाञ्जली अर्पण गरेका थिए भने यस्ता अमानवीय घटनाहरू दोहोरिन नदिन सरकारसँग प्रभावकारी कदम चाल्न आग्रह गरेका छन्।
वक्ताहरूले महिला सुरक्षा सुनिश्चित गर्न राज्यले ठोस नीति तथा कडा कार्यान्वयन गर्नुपर्नेमा जोड दिएका थिए। साथै, समाजमा बढ्दै गएको हिंसात्मक प्रवृत्तिको अन्त्य गर्न सबै पक्ष एकजुट हुनुपर्ने धारणा व्यक्त गरिएको थियो।
कार्यक्रम शान्तिपूर्ण रूपमा सम्पन्न भएको आयोजकले जनाएको छ।
Discussion about this post