मधेश प्रदेश – धर्म जागरण समन्वय परिषद् नेपाल ले मधेश प्रदेशका लागि नयाँ प्रदेश संयोजक राजेश कुशवाहालाई नियुक्त गरेको छ। परिषद्को हालै सम्पन्न बैठकले संगठन विस्तार, धार्मिक जागरण तथा सामाजिक एकता मजबुत बनाउने उद्देश्यले उक्त निर्णय गरेको जनाएको छ।नवनियुक्त संयोजकले आफ्नो जिम्मेवारी सम्हाल्दै मधेश प्रदेशभर धार्मिक चेतना अभिवृद्धि, युवा सहभागिता वृद्धि तथा विभिन्न सामाजिक कार्यक्रमहरू सञ्चालन गर्ने प्रतिबद्धता व्यक्त गरेका छन्। उनले स्थानीय तहसम्म संगठनलाई सक्रिय बनाउने र सबै समुदायबीच सद्भाव कायम राख्न पहल गर्ने बताएका छन्।
परिषद्का केन्द्रीय पदाधिकारीहरूले नयाँ नेतृत्वबाट संगठनले अझ प्रभावकारी ढंगले काम गर्ने विश्वास व्यक्त गरेका छन्। साथै, आगामी दिनहरूमा प्रदेशस्तरीय कार्यक्रम, प्रशिक्षण तथा धार्मिक–सांस्कृतिक अभियानलाई तीव्रता दिने योजना रहेको जानकारी दिइएको छ।स्थानीय समाजसेवी तथा सरोकारवालाहरूले पनि नयाँ संयोजकलाई बधाई दिँदै सफल कार्यकालको शुभकामना व्यक्त गरेका छन्।
Discussion about this post