मधेश प्रदेश धनुषा जिल्लाको धनुषाधाम नगरपालिका वडा नं. ९ अन्तर्गत पर्ने मुर्गिया खोलाको आज मधेस प्रदेशका सिंचाई मन्त्री द्वारा स्थलगत निरीक्षण गरिएको छ।निरीक्षणका क्रममा मन्त्रीले उक्त क्षेत्रमा वर्षेनी हुने बाढी तथा कटानको समस्या, खेतीयोग्य जमिनमा परेको असर तथा स्थानीय बासिन्दाले भोग्दै आएका कठिनाइबारे जानकारी लिएका थिए। स्थानीय जनप्रतिनिधि तथा बासिन्दासँगको छलफलमा उनीहरूले मुर्गिया खोलामा दीर्घकालीन नियन्त्रण तथा व्यवस्थापनको आवश्यकता औंल्याएका थिए।मन्त्रीले समस्या समाधानका लागि आवश्यक योजना तयार गरी आगामी आर्थिक वर्षको बजेटमा समावेश गर्ने आश्वासन दिएका छन्। साथै, प्राथमिकताका आधारमा तटबन्ध निर्माण, खोलाको व्यवस्थित व्यवस्थापन तथा सिंचाई सुविधा विस्तारका कार्यक्रम अघि बढाइने बताएका छन्।स्थानीय बासिन्दाले मन्त्रीको निरीक्षण र प्रतिबद्धतालाई सकारात्मक रूपमा लिँदै यथाशीघ्र काम सुरु हुने अपेक्षा व्यक्त गरेका छन्।
Discussion about this post