ग्यास पड्किँदा घरमा आगलागी, मानवीय क्षति भएन

• राजेश सिंह कुशवाहा

राैटहट माैलापुर नगरपालिका बस्ने जगदिश साहकाे घरमा ग्यास सिलिन्डर पड्किँदा आइतबार आगलागी भएको छ। स्थानीयका अनुसार अचानक भएको विस्फोटपछि घरमा आगो फैलिएको थियो।सौभाग्यवश, उक्त घटनामा कुनै मानवीय क्षति भएको छैन। तर, आगलागीबाट घरमा आंशिक क्षति पुगेको प्रारम्भिक जानकारी प्राप्त भएको छ। स्थानीय बासिन्दा र सुरक्षाकर्मीको सक्रियतामा आगो नियन्त्रणमा लिइएको थियो।घटनापछि प्रभावित परिवारलाई राहत तथा क्षतिपूर्ति उपलब्ध गराउन नगरपालिका प्रमुखले गृह प्रशासनसँग माग गरेका छन्। साथै, यस्ता दुर्घटनाबाट बच्न सबैलाई आवश्यक सतर्कता अपनाउन आग्रह गरिएको छ।यसैबीच, पछिल्ला दिनहरूमा यस्ता आगलागीका घटना बढ्दै गएकाले नगर क्षेत्रमा दमकल (वरुण यन्त्र) को व्यवस्था गर्न केन्द्र र प्रदेश सरकारसँग समेत माग गरिएको छ।