नेपाली काङ्ग्रेसले मधेश स्तरीय समिक्षा सम्पन्न ।

२०८२/१२/२५चैत।

ओमप्रकाश साह

जनकपुरधाम — नेपाली काँग्रेस द्वारा आयोजित मधेस प्रदेश स्तरीय निर्वाचन समीक्षा कार्यक्रम आज जनकपुर मा सम्पन्न भएको छ।
कार्यक्रममा पार्टीका केन्द्रीय सदस्यहरू, प्रदेश पदाधिकारीहरू, जिल्ला सभापतिहरू तथा विभिन्न भातृ संगठनका प्रतिनिधिहरूको उल्लेखनीय उपस्थिति रहेको थियो।
समीक्षा कार्यक्रममा हालै सम्पन्न निर्वाचनको परिणाम, पार्टीको प्रदर्शन, संगठनात्मक अवस्था तथा आगामी रणनीतिका विषयमा गम्भीर छलफल गरिएको थियो। सहभागी नेताहरूले निर्वाचनका क्रममा देखिएका कमजोरीहरूलाई सुधार गर्दै पार्टीलाई थप सशक्त बनाउने आवश्यकतामा जोड दिएका थिए।
कार्यक्रमलाई सम्बोधन गर्दै वक्ताहरूले संगठनलाई तल्लो तहसम्म मजबुत बनाउने, कार्यकर्ताहरूबीच एकता र समन्वय बढाउने तथा जनताको विश्वास जित्ने खालका कार्यक्रम सञ्चालन गर्नुपर्ने धारणा राखेका थिए।
समीक्षा कार्यक्रमले मधेस प्रदेशमा पार्टीको भूमिका अझ प्रभावकारी बनाउँदै आगामी निर्वाचनमा उत्कृष्ट परिणाम हासिल गर्ने लक्ष्यसहित विभिन्न सुझावहरू अघि सारेको बताइएको छ।