काठमाण्डौ । नेपाल राष्ट्र बैंकले ५ सय रुपैयाँका २३ करोड थान नयाँ नोट छपाईका गर्नका लागि ठेक्का आह्वान गरेको छ । नोटको डिजाइन, प्रिन्टिङ तथा आपूर्तिका लागि योग्य बोलपत्र दाताबाट आवेदन माग गरिएको हो ।
राष्ट्र बैंकले नियमित रुपमा नोट छपाई गर्ने क्रममा बोलपत्र आह्वान गर्दै आइरहेको छ । बैंकले यसअघि नै बोलपत्र आवेदनका लागि योग्य ६ कम्पनीको सूची सार्वजनिक गरिसकेको छ । यी योग्य आवेदकमा चीन, अमेरिका, जर्मनी, रसिया, फ्रान्स र पोल्यान्डका कम्पनीहरु रहेका छन् ।
छानिएका योग्य कम्पनीहरु मध्येबाट ठेक्का लिन इच्छुक आवेदकले आगामी १४ मे १२ बजेसम्म मुद्रा व्यवस्थापन विभाग थापाथलीमा आइपुग्नेगरी बोलपत्र आवेदन दिन सक्नेछन् । सोही दिन १ बजे आवेदन दिने संस्थाका प्रतिनिधिको उपस्थितिमा बोलपत्र खोलिने राष्ट्र बैंकले जनाएको छ ।
Discussion about this post